Jurnalistlərə verdiyi müsahibədə 1930-cu illərdə çiy ət yeməyin faydalarını araşdıran Weston Price’dan bəhs edən Derek yəqin ki, elə məhz ondan ilhamlanaraq bu addımı atmaq qərarına gəlib. Derek’in atası oğlunun bu qərarını heç bir halda qəbul etmədiyi halda, ailəsi onunla eyni masada yemək yemir. Ancaq ən qəribəsi Derek ilə sevgilisi arasında yaşananlardır. Bunun səbəbi sevgilisi Joanne’nın vegetarian olmasıdır. “Aramızda yaranan fikir ayrılığıyla bağlı danışırıq. Onu başa düşürəm, çünki sağlamlığına müsbət təsir etdiyinə inanır. Mənim yeməklərimə qarışmadığını da görürəm,” deyir.
Alimlər bu haqda nə deyir?

The Guardian‘a bu barədə danışan Dr. Lisa Young belə pəhrizi heç kimə məsləhət görmür. İlk əvvəl qidadan qaynaqlanan xəstəliklərə daha rahat yoluxa biləcəyini deyən Young, əti bişirməyin zərərli bakteriyaları yox etməsini xatırladaraq əlavə edir: “Bu cür yemək vərdişi Derek üçün uyğun ola bilər, bəlkə də ona genetik kodları kömək edir. Amma ümumiyyətlə danışsaq, çiy ət yemək damarlarının tıxanmasına gətirib çıxarır və ürək xəstəlikləri riskini artırır.”