Rusiyanın "VKontakte" sosial şəbəkəsi yaxın zamanlarda özünün şəxsi "Snapster" adlanan yeni xidmətini istifadəyə verəcək. lunar.az-in
məlumata görə, bu sosial şəbəkədə yalnız fotoşəkillər yerləşdiriləcək. Əvvəllər iOS və "Android" əməliyyat sistemləri ilə işləyən mobil telefonlar üçün "Instagram" sosial şəbəkəsini xatırladan əlavə yaradılıb. Bu əlavə fotoşəkillər üçün böyük filtr seçimi verir. "VKontakte"nin rəsmi nümayəndəliyi foto əlavənin çıxarılması ilə bağlı məlumata şərh verməkdən imtina edib. Bildirilir ki, "Snapster" resursunun yaradılmasına əsas səbəb Rusiya bazarında "İnstagram"ın populyarlığının artmasıdır. Belə ki, Amerika servisinin statistikası hər ay mütəmadi olaraq artır və bu gün bu göstəricisi 5 milyon nəfərə çatıb. "VKontakte"də bu rəqəm 9,2 milyon nəfər təşkil edir. Söz düşmüşkən, "VKontakte" tərtibatçıları öz resurslarını mühafizə etmək üçün daxili keçidlərlə "İnstagram"a keçidləri çətinləşdiriblər.