Məleykə Əsədova: "Səhhətimə təsir edir, özümə gələ bilmirəm"
Xalq artisti Məleykə Əsədova "Cəhənnəm sakinləri" tamaşasında oynadığı qadın obrazından danışıb. Lunar.az-a açıqlama verən aktrisa bu obrazını digər obrazlarından fərqləndirib:
"Mənim teatr səhnəsində fərqli obrazlarım çoxdur. Həmişə tamaşaçılar məni gözəl qadın rollarında görüblər. Amma "Cəhənnəm sakinləri" tamaşasında tam fərqli obrazdayam. 2 saat ərzində bir qadının bir neçə xarakterini tamaşaçıya çatdırıram. Hər dəfə tamaşanın sonunda başım dönür, başımdan bərk ağrı tutur.
O qədər obrazın daxilinə varıram ki, istər-istəməz səhhətimə də təsir edir. Bu tamaşadan sonra 1-2 gün özümə gələ bilmirəm. Bir insan öz taleyini çətinliklə yaşayır, görün biz nə qədər insan taleləri yaradırıq".
1
