44 günlük Vətən Müharibəsində qanları, canları bahasına işğal altında olan torpaqlarımızı düşmən tapdağından azad edən igid oğullarımızdan biri də Sadiq Bağırzadədir.
Sadiq Şahin oğlu Bağırzadə 2002-ci il aprelin 15-də Astaranın Ərçivan qəsəbəsində doğulub. 2008-ci ildə şəhid Natiq Kərimov adına Astara rayon Ərçivan qəsəbəsinin 3 nömrəli tam orta məktəbinin 1-ci sinfinə gedib. Evin tək oğlu olan Sadiq 2009-cu ildə məktəbi bitirib. Kiçik yaşlarından boksla məşğul olub. Ermənilərin Qarabağda törətdiyi vəhşilikləri görən Sadiq daim qisas eşqi ilə yaşayıb.
Şəhidimiz boks üzrə Azərbaycan komandasının üzvü olub. İdman karyerasında medallar qazanıb və diplomla təltif edilib, respublika birincisi olub.
2020-ci ildə həqiqi hərbi xidmətə yollanıb və Xüsusi Təyinatlı Qüvvələrin tərkibində qulluq edib. Sentyabrın 17-də başlanan Vətən Müharibəsində şücaəti ilə seçilib. Murovdağ yüksəkliyinin azad edilməsi uğrunda gedən döyüşlərdə qəhrəmanlıq göstərib, xeyli düşmən əsgərini məhv edib. Sentyabrın 30-da düşmən gülləsinə tuş gələrək, şəhidlik zirvəsinə yüksəlib.
Döyüş yoldaşları Sadiq Bağırzadəyə döyüşlərdə göstərdiyi qəhrəmanlığına görə “Murov aslanı” ləqəbini verib.
1
