Səni unudaram sənin xətrinə Yolunda hər şeyi etdim, bilirsən. Get dedin tərk edib getdim, bilirsən. İndi də deyirsən unudum səni. Həsrətin yağışı islatsa məni, Gedib sığınaram özgə çətrinə. Səni unudaram sənin xətrinə Zamanı gəldikcə sağalar yaram. Gecələr adını sayıqlamaram. İçərəm dərdimi ovutmaq üçün. Səni həmişəlik unutmaq üçün. Adını yazmaram şeir sətrinə Səni unudaram sənin xətrinə Gözümü yollardan yığışdıraram. Ruhumu taleylə barışdıraram. Qəmli mahnılara qulaq asmaram. Sən olan yerlərə ayaq basmaram. İntizar qalsam da o gül ətrinə, Səni unudaram sənin xətrinə...
1
