Əllərindən tuta bilsəm,
bütün dünya mənim olar...
Arzularım daşa dəysə,
ömür-duman,çənim olar!...

Sənsən axı səadətim,
səadətə gedən yolam...
Əbədilik məhəbbətim,
bu sevdaya özüm qulam!...

Sənsən axı məhəbbətim,
bu sevdanı yaşadım tək...
Əzabını,hər dərdini
bu dünyada daşıdım tək!...

Bu dünyada görən gözüm,
sevda dolu şirin sözüm...
Bir dünyalıq məhəbbətim,
sənsən axı səadətim!...

Ömür gülüm-çiçəyimsən,
sən gözəlim-göyçəyimsən...
Bir ömürlük məhəbbətim,
sənsən axı səadətim!...

Sənsən axı səadətim,
sənsiz ömrüm olar yetim...
Gəl ömrümə gülə-gülə,
məni yenə xoşbəxt elə...