Yevlaxda karantin rejimini pozaraq toy məclisi təşkil edən şəxslər aşkarlandı
Yevlax rayonunun Marzılı və Hacı Mahmudlu kəndlərində fərdi yaşayış evlərində toy məclisi təşkil edən şəxslər müəyyən edilib.
Bu barədə Daxili İşlər Nazirliyinin (DİN) Mətbuat Xidmətinin Bərdə regional qrupundan məlumat verilib.
Bildirilib ki, xüsusi karantin rejimi qaydalarını pozan toy məclislərinin təşkilatçıları olan dörd nəfər barəsində İnzibati Xətalar Məcəlləsinin 211.1-ci maddəsi ilə protokollar tərtib olunaraq cərimə ediliblər.
1
