Onlar əyləndikləri kurortlara və istirahət mərkəzlərinə özəl helikopterlər, yaxud təyyarələrlə gedir, ən bahalı avtomobillər sürür, lüks villa və apartamentlərdə yaşayırlar.
Onlar ayaqqabılarını 50 funt-sterlinq dəyərində əskinasla silmələri ilə qürrələnir, "Primark" supermarketində alış-veriş edənləri "kasıb, murdar, rəzil adamlar" adlandırırlar. lunar.az bildirir ki, onlar özlərini "Londonun varlı uşaqları" ( Rich Kids of London) adlandırırlar.
Müxtəlif ölkələrdən olan və Britaniya paytaxtında yaşayan bu gənclərin valideynləri multimilyonçular, milyarderlərdir. Onlar təhsil aldıqları universitetlərə ən bahalı avtomobillərdə gedir, "kasıb"ları normal adam saymır, özlərini "həyatın nəbzini tutmuş çevik və ağıllı şəxslər" hesab edirlər.