Ermənistanlı hüquq müdafiəçisindən Paşinyana açıq məktub: Gülünc müttəfiq axtarışından əl çəkin!
Ermənistanlı hüquq müdafiəçisi Georgi Vanyan ölkənin baş naziri Nikol Paşinyana açıq məktubla müraciət edib.
Lunar.az xəbər verir ki, bu barədə trend erməni KİV-lərinə istinadən məlumat verir.
Hüquq müdafiəçisi Ermənistan hökumətini xaricdən dəstək gözləmək əvəzinə Azərbaycanı müttəfiq kimi görməyə və danışıqlara getməyə çağırıb:
"Ermənistan öz vətəndaşlarına qarşı cinayət həddini çoxdan keçib. Cinayətkarcasına qələbə qazanmaq tamaşasını dayandırın: qonşu üzərində qələbə qaznmazlar, qonşunu məhv etməzlər. Qonşu ilə danışarlar, qarşılıqlı anlaşma əldə olunana kimi danışarlar. Qonşuların bir-birini məhv etmək cəhdi tərəflərin özlərini məhv etməsinə aparan yoldur.
"Strateji müttəfiqin" xilaskar gücü barədə yalandan imtina edin. Gülünc müttəfiq axtarışından əl çəkin! Soyqırımın tanınması üçün beynəlxalq ictimaiyyətdən biabırçı sədəqə ummağı bitirin!
Son 30 ildə, xüsusən də bu gün bizim bir müttəfiqimiz ola bilərdi - bu da qonşu Azərbaycandır. Danışın, qorxmadan həmkarınızın üzünə baxın".
1
