35 yaşlı qadın 1,5 il sonra sanitar qovşağından tapıldı - dəhşətli cinayət
Hindistanın Haryana əyalətində 35 yaşlı bir qadın dustaq qaldığı sanitar-qovşağından polislər tərəfindən xilas edilib.
Publika.az xəbər verir ki, hadisənin dəhşətli hekayəsi bundan sonra üzə çıxıb.
Belə ki, qadının 1,5 il əvvəl öz həyat yoldaşı tərəfindən həmin yerə salındığı bəlli olub. Qadınları Mühafizə və Uşaq Evlilikləri Qadağası üzrə məmur Racni Qupta hadisə ilə bağlı bunları deyib: “Onu qapısı kilidli sanitar qovşağnın içində tapdıq. İstintaq zamanı onun 1,5 ildir insanlıqdan kənar həyat şərtlərində yaşamağa məcbur edildiyi müəyyənləşdirildi. Ona lazımi içməli su və yemək belə verilməyibmiş”.
Qadının həyat yoldaşı istintaqda özünü müdafiə edərək psixoloji problemləri olduğunu iddia edib. Qadını xilas edənlər isə belə bir durum olmadığını bildirib.
Cütlüyün 17 ildir evli və 3 uşaq sahibi olduğu qeyd edilib.
Milli Cinayət Arxivi Bürosunun (NCRB) hesabatına görə, Haryana ölkənin qadınlara qarşı cinayətlərin ən çox qeydə alındığı 3 əyalətdən biridir.
1
