Özünəməxsus həll olaraq Kanada şirkəti Vitality Air çinlilərə Kanada və ABŞ dağlarının təmiz havası dolu kiçik balonlar təklif edir. Startupçılar bunu zarafat kimi başladıqlarını desələr də, gözləmədikləri halda bu təklifləri olduqca böyük maraq görüb. Bir baloncuğun tərkibində olan havanın miqdarı 7.7 l-dir və 15 dollara satılır. Bu isə məsələn, adi sudan 50 dəfə baha deməkdir. Kanadalılar buna cavab olaraq deyirlər ki, bütün havanı ancaq qayalı dağlardan və əl əməyilə toplayırlar.
Hər bir halda, Vitality Air məhsulları olduqca böyük tələbatla qarşılaşıb. İlk göndərdikləri 500 hava balonu cəmi 4 gün ərzində satılıb. Kanadalılar artıq Çinə 4000-lik ikinci partiya məhsul da göndəriblər. Bir sözlə, artıq hava da pulladır!