"Evlənərkən qızın yaşını dəqiq bilmirdim" - 14 yaşlı qızla evlənib cinsi əlaqəyə girdi - Azərbaycanda şok
Yevlax rayonunda yeniyetmə qızla cinsi əlaqəyə girən şəxsə cinayət işi açılıb.
Lunar.az News24.az-a istinadən bildirir ki, polisə Yevlax rayon sakini olan Talışlı Simran İmran oğlunun yetkinlik yaşına çatmayan şəxsə cinsi əlaqədə olması ilə bağlı məlumat daxil olub. Faktla bağlı Yevlax Rayon Polis İdarəsində Cinayət Məcəlləsinin 152.1-ci, yəni on altı yaşına çatmayan şəxslə cinsi əlaqədə olma və ya seksual xarakterli digər hərəkətlər etmə maddəsi ilə iş açılıb.
Onun 14 yaşlı Tamilla (şərti adı) ilə evləndiyi də müəyyənləşib. S.Talışlı evlənərkən qızın yaşını dəqiq bilmədiyini, törətdiyi əməlin cnayət olmasından xəbərsiz olduğunu, qıza qarşı hər hansı zorakılıq etmədiyini deyib.
Araşdırma aparılır.
Qeyd edək ki, məlum hadisəyə görə təqsirləndirilən şəxsi 3 ilədək azadlıqdan məhrumetmə cəzası gözləyir.
1
