Futbol tarixində dəhşətli hadisə baş verib. ANS PRESS-in məlumatına görə, Argentinanın Kordoba şəhərində futbol matçı dəhşətli nəticə ilə bitib. Oyun zamanı baş hakim 48 yaşlı Sezar Flores futbolçulardan birinə qırmızı kart göstərərək meydandan qovub.
Müəyyən vaxtdan sonra oyundan kənarlaşdırılan futbolçu odlu silahla meydana daxil olub və Floresə üç dəfə atəş açıb. Güllələr hakimin baş, boyun və sinə nahiyələrinə dəyib. Hakim aldığı güllə yarasından sonra dünyasını dəyişib.
Əli tüfəngli futbolçu həmkarı Valter Saratinini də yaralayıb. Hələlik insidentin hansı klubların oyunu zamanı baş verdiyi və hakimə atəş açan şəxsin adı açıqlanmır. Onun 25 yaşı və hazırda axtarış olmasına dair məlumatlar var.
Əlavə edək ki, futbol matçında ölümlə bitən hadisələr ilk deyil. Oxşar hadisə Braziliya futbolunda 2013-cü ildə baş verib. Hadisə Braziliyanın Maranhao ştatının "Pius XII" stadionunda keçirilən həvəskarlar liqası matçında baş verib. Oyunun gedişində 20 yaşlı hakim Oktaviyo Cordan 31 yaşlı futbolçu Josenir Abreuya qırmızı vərəqə göstərib. Özündən çıxan oyunçu onu söyərək hakimin üzərinə hücum çəkib. Bu zaman hakim üstündə olan bıçaqla onu bir neçə yerdən yaralayıb.
1
