Bu gün Ağır Cinayətlər Məhkəməsində Binəqədidə 15 nəfərin ölümü ilə nəticələnən yanğın hadisəsinə görə keçirilən məhkəmə təxirə salınıb. Vəkil İlhamə Həsənovanın Bizimyol.info-ya verdiyi məlumata görə buna səbəb təqisrləndirlən keçmiş məmur, Binəqədi rayon icra hakimiyəti başçısının müavini Qəzənfər Novruzovun həbsxanada komaya düşməsi olub.
Xatırladaq ki, Q.Novruzov vəzifə səlahiyyətlərindən sui-istifadədə, bir neçə adamın ölümünə səbəb olmaqda və digər cinayətlərdə ittiham olunur.
Bakı Ağır Cinayətlər Məhkəməsində bu gün davam etdirilməli olan məhkəmə prosesində prosesə sədrlik edən Əfqan Hacıyev bildirib ki, təqsirləndirilən şəxslərdən biri iştirak etmədiyi üçün proses davam etdirilə bilməz.
Məhkəmə prosesi avqustun 16-da davam etdiriləcək.
1
