Daşkəsən rayonunda 15 yaşlı qızın intihar səbəbi bəlli olub.
BiG.AZ xəbər verir ki, Lalə Bağırovanın intihar səbəbi kimi ailəsinin ondan ev işləri görməsini tələb etməsi göstərilir. Bu barədə rayonun Bayan kənd bələdiyyəsinin sədri Natiq Süleymanov məlumat verib.
“Lalə Bağırova gözəl, əxlaqlı bir ailənin övladıdır. Bağırovlar kənd təsərrüfatı, maldarlıqla məşğul olan, zəhmətkeş bir ailədir. Lalə özü ərköyün bir uşaq idi. 9-cu sinifdən məktəbdən ayrılmışdı. Evin böyük uşağıdır. Yalnız ev işləri ilə məşğul olurmuş - toyuq, cücə, qoyun və s. Özünü asmamışdan əvvəl evdə anası deyib ki, filan işi gör. Biz də təxmin edirik ki, Lalə anası ona hirsləndiyi, iş tapşırdığı üçün özünü asıb. 15 yaşlı uşaqlar bir az dəlisov olurlar. Yəni ki, özünü heç nədən asıb”, - deyə bələdiyyə sədri bildirib.
Xatırladaq ki, Daşkəsən rayonunda intihar hadisəsi baş verib. Rayonun Bayan kənd sakini 2001-ci il təvəllüdlü Lalə Bağırova yaşadığı evdə özünü asaraq intihar edib.
Faktla bağlı Daşkəsən rayon Prokurorluğunda araşdırma aparılır./aznews.az/
11:51
Daşkəsən rayonunda intihar hadisəsi baş verib.
lunar.az xəbər verir ki, rayonun Bayan kənd sakini, 2001-ci il təvəllüdlü Lalə Bağırova yaşadığı evdə özünü asaraq intihar edib.
Onun hansı səbəbdən intihar etdiyi hələlik məlum deyil.
Faktla bağlı Daşkəsən Rayon Prokurorluğunda araşdırma aparılır.
1
