Şuşada əsgərimizin həlak olması ilə bağlı rəsmi açıqlama
Xəbər verdiyimiz kimi, martın 3-də Şuşada hərbi maşının qəza törətməsi nəticəsində bir hərbi qulluqçumuz həlak olub.
Müdafiə Nazirliyindən Lent.az-ın sorğusuna cavab olaraq bildirilib ki, martın 3-ü hərbi yük avtomobilinin qəzaya uğraması nəticəsində xəsarət alan Azərbaycan Ordusunun müddətli həqiqi hərbi xidmət hərbi qulluqçusu əsgər Kazımov Vüsal Vüqar oğlu hərbi tibb müəssisəsinə təxliyə olunub.
Lakin həkimlərin səylərinə baxmayaraq, onun həyatını xilas etmək mümkün olmayıb.
Faktla bağlı araşdırma aparılır.
Müdafiə Nazirliyinin rəhbərliyi həlak olan hərbi qulluqçunun yaxınlarına dərin hüznlə başsağlığı verir.
1
