Masallıda 80 yaşlı qadın yaşadığı evdə yanaraq öldü
Masallıda 80 yaşlı qadın yaşadığı evdə yanaraq ölüb.
Bu barədə Fövqəladə Hallar Nazirliyi məlumat yayıb.
Bildirilib ki, rayonunun Qızılağac kəndində ümumi sahəsi 63 kvadratmetr olan birmərtəbəli ikiotaqlı evin bir otağının, dəhlizinin yanar konstruksiyaları və dam örtüyü 40 kvadratmetr sahədə yanıb.
Yanğın yerinin kəşfiyyatı zamanı ev sahibi, 1942-ci il təvəllüdlü Ələkbərova Cənnət Yaqub qızının (yataq xəstəsi) yanmış meyiti yanğınsöndürənlər tərəfindən aşkar edilərək aidiyyəti üzrə təhvil verilib.
Evin qalan hissəsi yanğından mühafizə olunub.
Yanğın yanğından mühafizə bölmələri tərəfindən söndürülüb.
1
