"Niva" qəza
Quba - Xınalıq yolunda ağır yol-nəqliyyat hadisəsi baş verib. ANS PRESS-in məlumatına görə, hadisə yolun 34 kilometrliyində, Qırız Dəhnə kəndində olub.

“NİVA” markali avtomobil idarə etməni itirərək kəndin ərazisində yerləşən çaya düşüb. Hadisə nəticəsində avtomobildə olanlardan iki nəfər həlak olub. Maşında olan daha bir nəfər yaralanıb. Dərhal Fövqəladə Hallar Nazirliyinin müvafiq xilasetmə qüvvələri hadisə yerinə cəlb olunub. Əraziyə həmçinin polis gəlib. Fakt üzrə araşdırmalar aparılır.

Quba Xınalıq yolunda ağır yol-nəqliyyat hadisəsi baş verib.
Analoji hadisə keçən il Bakı-Quba yolunda baş verib. Şabran rayonu, Taxtakörpü qəsəbəsi, Bakı-Quba yolunun 118-ci kilometrliyində 1992-ci il təvəllüdlü İlkin Elçin oğlu Muradova məxsus “Toyota” markalı minik avtomobilinin yolun kənarındakı dəmir sədlərə çırpılması nəticəsində yol-nəqliyyat qəza hadisəsi baş verib.

Hadisə yerində əməliyyat şəraiti qiymətləndirilərkən məlum olub ki, avtomobilin sürücüsü İ.E. Muradov vəfat edib və deformasiyaya uğramış avtomobildə sıxılmış vəziyyətdə qalıb. Yanğınsöndürən-xilasedicilər təhlükəsizlik qaydalarına riayət etməklə sıxılmış vəziyyətdə qalmış meyiti avtomobildən çıxarıb və aidiyyəti üzrə təhvil veriblər.