Bir çox hallarda bədənimizdə, ayaqlarımızda, əllərimizdə şişkinliklər yaranır. Buna görə geyindiyimiz ayaqqabılar dar olur, üzüklər barmaqlarımıza dar gəlir. Bəs bu şişkinliyin səbəbi nədir və ondan necə xilas olmaq mümkündür?
Lunar.az bununla bağlı sizə faydalı məsləhətlər verir.
Həyat tərzi Günün çox hissəsini oturaq keçirən və ya ayaq üstə dayanan insanların ayaqları şişə bilər. Buna görə oturaq işdə olanlar mütəmadi olaraq bəzi idman məşqləri etməlidirlər. Həmçinin ayaqlarını bir-birinin üzərinə qoyaraq oturmamalıdırlar. Ayaq üstdə çalışanlar isə imkan düşdükcə oturmalı, rahat ayaqqabılardan və təbii məhsuldan hazırlanmış corablardan istifadə etməlidirlər.
Böyrək xəstəlikləri Xüsusilə səhərlər üzünüzdə olan şiş böyrəklə bağlı narahatlıqların göstəricisidir. Bundan əlavə, belinizdə yüngül ağrı və sidikdə rəng pozulması da böyrək xəstəliyindən xəbər verir. Buna görə qidalanmanıza diqqət edin. Yatarkən arxası üstdə yatmağa çalışın. Çünki üzü üstə yatmaq üzün şişməsinə səbəb olur.
Ürək xəstəlikləri Ayaqlarda və qarında şiş, ağrı, yorğunluq və nəfəs darlığı varsa, bu, ürək xəstəliyinin əlaməti olaraq qəbul edilə bilər. Bildirək ki, ürək xəstəliklərindən qaynaqlanan şişkinlik ev şəraitində müalicə edilə bilməz. Yaxşı olar ki, dərhal kardioloqa müraciət edəsiniz.
Dərmanlar Bədənin şişməsi müəyyən dərman növlərinin, məsələn, qızdırmasalıcı, ağrıkəsici, doğuşa nəzarət həblərinin qəbul edilməsi ilə bağlı yarana bilər. Əgər qəbul etdiyiniz dərman şişməyə səbəb olarsa, həkiminizə müraciət edin.
Allergiyalar Bədəninizdə şişlə bərabər qaşıntı və qızarma varsa, bu, allergiyanın nəticəsidir.
Əgər şiş artır, boynunuz və üzünüzə qədər çıxırsa, təcili tibbi yardıma müraciət etmək lazımdır. Yox, əgər şiş azdırsa, anti-allergiya dərmanlarından istifadə edə bilərsiniz.
Maye itkisi Bədəndə maye itkisi yaşandıqdan sonra orqanizmə su yığılmağa başlayır. Nəticədə, ayaq biləyi, bədənin yuxarı hissəsi və qarın şişir. Buna görə gündə ən az 1 litr su içmək məsləhət görülür. Həmçinin qəhvə, spirtli içki və qazlı su içməkdən də uzaq durun.
Duz Gündəlik qəbul üçün təklif olunan duz miqdarı 5 qramdır (1 çay qaşığı). Bundan çox duzdan istifadə etsəniz, orqanizminiz su yığmağa başlayır. Qidalanmanızda duzun miqdarını azaldın. Duzu əvəz edən ədviyyatlardan istifadə etməyə çalışın.
Hormonlar Hormonal xəstəliklər bədənə su yığılmasının başqa bir səbəbidir. Əgər mədə və ya ayaqlarınız şişirsə, müəyyən çəki artımı varsa, bu, hormonal şişdən yarana bilər.
Qidalanmanıza fikir verin. Daha çox protein əsaslı qidalar yeyin. Şirin, acı və duzlu qidaların qəbulunu azaldın. Müalicə almaq üçün ginekoloq və ya endokrinoloqa müraciət edin.
Unutmayın ki, şiş hər zaman bir xəstəlik göstəricisi deyil. İsti havalarda narahat olan ayaqqabılar geyinmək, çox su içmək, ya da duzlu qidalar yeməklə sağlam adamlarda da şiş müşahidə oluna bilər.
1
