Valideyni ilə birlikdə müqəddəs ziyarətə gedən uşaqların ziyarətini də Allah qəbul edirmi?
Əvvəla, kimin ziyarətinin qəbul olduğunu, kiminkinin isə qəbul olmadığını dəqiq söyləmək olmaz, bu, Allahın ixtiyarında olan məsələdir. Kərbəla, Məşhəd və sairə ziyarətlər vacib deyil, müstəhəbdir. Ona görə də bu ziyarətlərə gedən uşaqların dini məsuliyyəti barədə danışmaq düzgün deyil.
Amma həcc ziyarəti, imkanı olan şəxslərə vacibdir və bi ziyarəti qəsdən tərk etmək günahdır. Bütün digər ibadətlər kimi həcc ziyarətinin də əsas şərtlərindən biri insanın yetkinlik yaşına çatmasıdır. Yetkinlik yaşına çatmamış uşaq valideyni ilə birlikdə həccə gedirsə, valideyn nəzarət etməlidir ki, uşaq müqəddəs məkanların hörmətini əskildən hərəkətlərə yol verməsin. Amma bu ziyarət uşağın boynundan həcc təklifini götürməz. Uşaq yetkinlik yaşına çatdıqdan sonra maddi və fiziki cəhətdən öhdəsinə həcc gələrsə həccə getməlidir, uşaq vaxtı həccə getməyi bunu əvəz etməz.
1
