Qoç - günün ilk yarısında fəaliyyətiniz real gəlir gətirə bilər. Mühüm anlaşmaya nail olmaq şansları artır. Etibarlı insanlar və inandığınız işgüzar tərəfdaşların yardımlarından bəhrələnin. Yazışmalarda diqqətli olun.
Emosiyalarınıza nəzarət edin.
Sevdiyiniz insanla münasibətləri günün ikinci yarısında normallaşdırın. Birgə səfər, təhlil və fəaliyyət üçün yaxşı zamandır. Axşam saatlarına yaxın istənilən formada risklərdən uzaq durun.
Buğa - işlərdə uğur vəd edən asan, rəvan gündür. Sakit olun, emosiyalara qapılmayın. Ən kiçik uğurlara möhtəşəm zəfər təki sevinməyin. Gərəkli insanlarla əlaqələr yaratmaq, işdə rəhbərliklə danışıqlar aparmaq üçün gözəl gündür.
Günün ikinci yarısında gərəkli adamlarla danışıqlarda ümumi məsələlərin təhlilindən kənara çıxmayın. İşdə rəhbərliklə müzakirələrdə mövqelərinizdən geri çəkilməyin.
Şəxsi münasibətlərinizdə problemlər yaranmayacaq. Sevdiyiniz insanın qəlbini qırmayın. Fəqət sirrinizi ən yaxın bildiyiniz adama da etibar etməyin. Bu gün onların reaksiyası adekvat olmayacaq.
Əkizlər - yaşamın olaylarından faydalanaraq çoxdan bəri nəzərdə tutduğunuz layihəni reallaşdıra bilərsiniz. Dostlar sizə yardım etmək istəyəndə nəzakətlə cavab verin, amma müstəqil fəaliyyət göstərin. Son günlərdəki davranışınızı təhlil edin, nöqsanlarınızı aşkarlamağa çalışın. Orijinal ideya olacaq.
Günün ikinci yarısında yeni münasibətlər formalaşa bilər. Potensial sifarişçilərin təkliflərini diqqətlə dinləyin. Sevdiyiniz insanı anlayın, ondan hali olun.
Xərçəng - günün ilk yarısında başladığınız işlərdə diqqətli olun. Dəyişən situasiyanın zahiri görüntülərinə aldanmayın. Bəzi problemlərin həllini ertələyərək istirahət fikrinə düşmək uğur vəd etmir. Emosiyalarınıza hakim olun.
Dəyər verdiyiniz insanların dediklərinə qulaq asın.
Günün ikinci yarısında ailə üzvlərindən birinin problemi yenidən aktuallaşacaq. Çətinliklərin bir parasını əvvəlcədən təxminləmək mümkündür. Vəziyyətin ağırlaşmasına hazır olun. Yaxınlarınızla mübahisə, çək-çevir etməyin. Münasibətləri aydınlaşdırmağa çalışmayın.
Axşam saatlarında normal istirahət edin.
Şir - yaxın dostunuza və ya həmfikirinizə çevrilə biləcək insanla qarşılaşacaqsınız. Tərəfdaşlarla ünsiyyətdə maraqlarınızın təminatını ön plana çəkməyin. İşləriniz o qədər də böyük sürətlə irəliləməsə də, pəjmürdə olmayın.
Günün ikinci yarısında problemlərinizi həll etmək üçün başqalarından sui-istifadə etmək fikrinə düşməyin.
Bütün diqqətinizi bir işə yönəltməyin. Önəm vermədiyiniz məsələlərdən biri, əslində, çox mühümdür. Yaxınlarınıza verdiyiniz vədləri əsla unutmayın.
Qız - işlərinizin sürətli inkişafında maraqlı olsanız, daha yaxşı nəticələr əldə edə bilərsiniz. Ticari anlaşmalar və sövdələşmələr pis olmayacaq. Ərzaq, kənd təsərrüfatı məhsulları ilə bağlı anlaşmalar gəlir vəd edir.
Planlaşdırdığınız işləri ertələməyin. Alış-verişdə bədxərclik etməyin.
Günün ikinci yarısında yaşam arealının rekonstruksiyası ilə məşğul olmaq mümkündür. Fəaliyyət sahəsində yeniliklər qaçılmazdır. Vədlərinizi unutmayın. Öhdəlikləri yerinə yetirin. Sözdən işə keçin.
Axşam saatlarında istirahətə yollanın.
Tərəzi - səliqəli, ehtiyatlı və eyni zamanda, qətiyyətli olun. Peşəkar fəaliyyətinizdəki nüanslara ciddi fikir verin. Diqqətinizi əsas işdə cəmləyərək tam konsentrasiyaya nail olun. Başladığınız işi yaxşı görün.
Belədə nəticələrdən razı qalmaqla yanaşı, yaxın ətrafınızdakı insanların sayğısını da qazanarsınız.
Günün ikinci yarısı müxtəlif səfərlər üçün əlverişlidir.
Yola çıxsanız, maraqlı insanla qarşılaşa bilərsiniz. Tanışlar və dostlarla təmaslarda alicənab olun. Axşam saatlarında gəzinti pis olmaz.
Əqrəb - etibarlı tərəfdaşlarla əməkdaşlığa üstünlük verin. İşlərinizdə məntiqli olun. Daxili səsinizə, intuisiyanıza qulaq asın. Minimal itkilərlə uğur əldə etməyə imkan verəcək modeli intuitiv olaraq seçin. Düşünülmüş, səbatlı fəaliyyət planınız olmalıdır.
Günün ikinci yarısında yaxın qohumlarınızdan biri sizdən yardım istəyəcək. Onun sözlərini qulaqardına vurmayın. Maliyyə və mənəvi yardım istəyənə kömək edin.
Axşam saatlarını özünüzə həsr edin.
Oxatan - günün ilk yarısında bir qədər tək qalmaq, fikrə dalmaq, ətrafla təmasları minimuma endirməyə çalışacaqsınız. Bədbin olmayın. Yaşanan problemlərin hamısını həll etmək olar. Rəqiblər yeni intriqalara başlayacaqlar. Bu isə diskomfortluq hissi yaradacaq. Hətta yorğunluq da istisna deyil.
Günün ikinci yarısında təmasları intensivləşdirməyə cəhd göstərməyin. Sevdiyiniz insanın qayğısına qalın, onu narahat edən məsələləri araşdırın. Səhhətinizə fikir verin. Özünüzü qoruyun.
Oğlaq - adi günlərdən fərqli olaraq bu gün işləri daha tez və geniş miqyasda başa vurmağa çalışacaqsınız. Bunu etməyin, çünki hadisələrin aramlı gedişatına təsir mənfi nəticələr verə bilər. Qarşınıza qoyduğunuz məqsədləri konkretləşdirin. Yaxın ətrafınızdakı insanlardan üstün olduğunuzu düşünməyin.
Günün ikinci yarısında dəyər verdiyiniz insanlarla münasibətlərinizi gərə biləcək olay yaşana bilər. Diqqətli olun. Tərəfdaşlarla danışıqlar zamanı aqressiv davranmayın. Emosiylara qapılaraq sonradan təəssüf hissi yarada biləcək addımlar atmayın.
Axşam saatlarında çox yeməyin.
Dolça - gəlir mənbələri ilə bağlı problemlərin həll yollarını arayın. Lazımi vaxtda gərəkli addımlar atmasanız, çətin vəziyyətə düşə bilərsiniz. Fəaliyyətinizi sistemləşdirin. Zərurət yaranarsa, müstəvini genişləndirin.
Çalışdığınız yerdə mövqelərinizi möhkəmləndirməyə çalışın. Rejimə riayət edin, tapşırıqları vaxtında yerinə yetirin.
Sevdiyiniz insanla münasibətləri əsla korlamayın. Emosiyalar və qarşılıqlı anlaşma ailədə harmoniya vəd edir.
Balıqlar - günün ilk yarısından etibarən işlərinizə məsuliyyət və diqqətlə yanaşsanız, uğur əldə edəcəksiniz. Maraqlandığınız, sevdiyiniz işlərlə məşğul olmağa çalışın. Dəqiq fəaliyyət planı hazırlayın. İşgüzar tərəfdaşlarla stabil münasibətlər qurun.
Günün ikinci yarısında danışıqlar və müzakirələrdə mövqelərinizdən geri çəkilməyin. Yaxın qohumlarınız sizi dəstəkləyə bilər. Yaşam arealını yaxşılaşdırmaq, rahat ortam yaratmaq üçün əlverişli zamandır. Məişət qayğılarının çözülməsində təfərrüatlara fikir verin.
1
