Tərkibi:

170 q ton balığı konservi (suda, yaxud yağda)
3-4 iri kahı yarpağı
2 orta boy pomidor
240 q qarğıdalı konservi
170 q qara, dənəsiz zeytun
zeytun yağı (zövqə görə)
duz (zövqə görə)

Kahı yarpaqlarını yuyub kağız salfetlə qurulayın.

Ton balığının suyunu süzüb çəngəllə əzin. Salat qabına qoyun.

Pomidorları yuyub qurulayın, kubik doğrayın, balığa əlavə edib azca duz vurun, qarışdırın (duzlu sevmirsinizsə, vurmasanız da olar).

Kahı yarpaqlarını iri doğrayıb salata əlavə edin.

Qarğıdalının suyunu süzüb əlavə edin.

Zeytunların da şirəsini süzüb salata əlavə edin. Zeytun yağı əlavə edib səliqəylə qarışdırın.

Nuş olsun!