Qəribə məclisdə görüşdük nəsə
Süzüldü gözlərin çatıldı qaşın
Mən təkcə gəlmişdim həmin məclisə
Sən isə yanında həyat yoldaşın

Badələr deyildi saf məhəbbətə
Titrədi könlümün ən sarı simi
Gulərək qoşuldun sən bu söhbətə
Əhdinə vəfalı nigarlar kimi

Başını qaldırıb üzümə baxdı
Ömür gün yoldaşın yeni sirdaşın
Əlini uzadıb əlimi sıxdı
Heyatdan xəbərsiz həyat yoldaşın