Yenə həsrətinlə yalnız axşamda
Doğmamış günəşi seyr eləyirəm
Əlimə aldığım qələm kağızla
Mehv olan xəyalımı qeyd eləyirəm



Gah ağlayıram gah da gülürəm
Bilmirəm xəstəyəm yoxsa dəliyəm
Nakam məhəbbətimin mən əsiriyəm
Susaraq özümə qəsd eləyirəm



Badələr gah dolur gah da boşalır
Taqətim qalmayıb qəlbim qırılır
Şüşənin dibində dərd unudulur?
İçərək özümü məst eləyirəm



Qorxuram ölərəm səni görmədən
Xoşbəxtsən deyilsən bunu bilmədən
Qorxuram borcunu verə bilməyəm
Sevgini özümə dərd eləyirəm