"Hazırda Sınıq-Körpü gömrük keçid məntəqəsində nə piyada, nə də avtomobil sıxlığı yaşanmır. Sərbəst gediş gəliş var". Bunu ANS PRESS-ə açıqlamasında gömrük keçid məntəqəsinin növbə rəisi Sabir Həsənov deyib.


Əhali bayram istirahəti üçün Azərbaycan rayonlarını seçir
Daha əvvəl bir sıra KİV-lər “Sınıq Körpü” gömrük keçid məntəqəsindən insanların keçməsinə icazə verilməməsi haqda məlumat yayıb. Yayılan xəbərə görə, gömrük keçid məntəqəsində uzun növbə yaranıb.

“Sınıq Körpü” gömrük keçid məntəqəsində təxminən 300 nəfərə yaxın şəxsin keçid üçün icazənin verilməsini gözlədiyi iddia olunurdu.

Azərbaycanda Novruz bayramı ilə əlaqədar 8 gün qeyri-iş günü olmasına görə bir sıra həmyerlilərimiz Novruz tətilini Gürcüstanda keçirtmək üçün bu ölkəyə üz tutublar.