Azərbaycan hökuməti iş adamları üçün əlverişli şərait yaradıb.

Lunar.az Trend-ə istinadən xəbər verir ki, bunu Baş nazirin müavini Əli Əhmədov bu gün keçirilən mətbuat konfransında deyib.

Ə.Əhmədov bildirib ki, iş adamları öz fəaliyyətlərini qanunvericiliyə uyğun qurmalıdırlar:

"İş adamlarına çağırış edirik, onları dəvət edirik ki, qeyri-rəsmi məşğulluq ənənələrindən imtina etsinlər, "qara mühasibatlığ"a yol verməsinlər, öz işlərini qanunvericiliyə uyğun şəkildə qursunlar. İşçilərə də çağırış edirik ki, əmək münasibətlərini rəsmiləşdirsinlər. Gələcəkdə pensiya hüquqlarının itirilməməsi üçün əmək müqaviləsi bağlasınlar, əmək müqaviləsi olmadan işləməyə razı olmasınlar".

---

---