Nədənsə gözlərim dolubdur yaman,
Yorğunam olmuşam halı pərişan,
Fikirlərlə birgə göydə sayrışan ,
Bu axşam cağında nə deyim sənə....

Suruşma halımı bir himə bəndəm,
Saçıma düşübdür ağ bəyaz dən-dən
Oda ola bilmir dərdimə həmdəm
Bu axşam cağında nə deyim sənə ...

Günəşim saçmayır şəfəqin nurun,
Məni özümdən yox kimsədən sorun,
Cəkməkdən yoruldum həsrətin yolun
Bu axşam cağında nə deyim sənə..

Yaşım yaşdan kecib o yaşım deyil,
Huşumda qalmayıb o,başım deyil,
Könlümdə nə qədər vardı gileyim,
Bu axşam cağında nə deyim daha..

Seymuram yoruldum olub ötəndən,
Məni atdım-atdım izləyən qəmdən,
Xüdaya şükr etdim hər qismətimdən
Bu axşam cağında nə deyim daha ..

Müəllif: SEYMUR SÖNMƏZ